Thomas Jones Day 2021
Naduh u snem 2018 ka sorkar jylla ka la pynbna ba ka 22 u Jylliew jong manla u snem kan dei ka sngi shuti kaba ngin kynmaw ia ka kum Thomas Jones Day kum ka jingpynsah jingkynmaw ia ki Matti ki jong U.
Hashwa jong kane, ka KJP Assembly ka la pynbna ba ki office bad ki institutions baroh hapoh jong ka kin khang ha kane ka sngi ka 22 u Jylliew kum ka jingleh burom ia ka jingnohsynñiang ka jong U Thomas Jones.
Kumta ha kane ka snem 2021 ka Goodnews Tv ka wallam sha phi ia kane ka Programme kaba kyrpang kaba ngin pynkynmaw ha ngi kiba ngeit ia ki jingnoh synñiang ki jong U Thomas Jones. Bad ban batai shaphang ki kam ki jong U Thomas Jones yn iathuh hapdeng jong ngi lyngba kine ki sur jingrwai bad ruh lyngba ka jingkren na I Rev. Dr. B.L. Nongbri iba long U Principal ka John Roberts Theological College, Mawklot.
Ngi ngeit ba kane ka programme kan long ka jingkyrkhu ia phi baroh.
Khublei Shibun.
