Shillong Run 2017 on 17th June, 2017 Time 06:30 A.M

Ka Agency for Sustainable Development Initiatives kaba dei ka tnat treikam jong ka Social & Economic Life Development Department, KJP Synod Sepngi sa shisien kan pynlong biang ia ka Shillong Run 10 – 2017 kaba VII ha ka 17th June, 2017 por 06:30 A.M. ha Parking Lot, Polo Ground. Ha kine ki hynriew sien ki Run ba la pynlong ka don ka jingiaid beit jingryntih bad ki nongiashim bynta kiba kham bun ki dei ki khynnah skul watla ki rangbah ruh ki iashim bynta bha. Ka jingpynlong ia ka Shillong Run ka long ban Pynmih Fund kyrpang tang ia ki project kiba iadei bad ki briew kiba don jingduna ha ki dkhot met watla ka Department ka don shibun kiwei pat ki Project. Ka Department ka peit bad khmih ia kine ki 3 tylli ki project kiba iadei bad ki briew kiba don jingduna ha ki dkhot met:

  1. Mairang Vidyajyoti Inclusive School, Sangshong, Mairang: La sdang ia kane ka skul ha ka 2nd June, 2008 bad ha kaba sdang ki don tang 3 ngut ki khynnah. Mynta ka snem 2017, ka skul ka la poi haduh Class X bad ki khynnah ki lah don haduh 247 ngut bad 36 ngut na ki ki dei kiba don jingduna ha ki dkhot met. Ka skul hi, ka don haduh 3 tylli ki Unit, kata: Day School, Vocational Training Unit bad Out Patient Department. La dep register ia ka hapoh ka PWD Act, 1995 bad dei ruh tang ma ka ka skul kaba nyngkong eh ha ka thain West Khasi Hills District kaba kynthup lang ia baroh ki khynnah kiba biang bad kiba don jingduna ha ki dkhot met.
  1. Community Based Rehabilitation Programme for People with Disability, Mairang: La sdang ia ka ha ka 1st April, 2009 bad la kyrshan ia kane ka project da ka Light for the World, Austria lyngba ka Community Based Rehabilitation Forum, Bangalore na ka bynta 9 snem bad kan kut noh ha u March, 2018. Ki don 5 ngut ki staff bad 209 ngut ki briew kiba don jingduna ha ki dkhot met kiba la ioh jingmyntoi na kane ka programme. Ka jingtrei hi ka long na ka bynta ki briew kiba don jingduna ha ki dkhot met khamtam ha ka Social, Health, Education, Advocacy bad Livelihood programme ha ki 30 tylli ki shnong ba hap hapoh ka Mairang Block.
  1. Rev. Amirkha School for Disabled, Mawlai: La sdang ia kane ka skul ha ka 17thApril, 2012 ha ka ïing kaba la ai sngewbha da ka Balang Presbyterian Mawlai kaba don ha Mawlai Nonglum. Ki don 4 ngut ki Nonghikai, iwei I Helper bad 15 ngut ki khynnah kiba don jingduna ha ki dkhot met ha kaba 2 ngut ki khynnah ki dei ki Out Patient kiba ju wan arsien ha ka shitaiew. La lah ban plie ia ka School Building bathymmai jong ka ha ka 02nd March, 2017 kaba don marsyndah bad ka Sanker Nursing Home, Mawroh.

Ka Theme jong ka Shillong Run ka long “Run with Different Abilities” bad ka jingthmu jong ka pat ka long kaba khraw ban ia kaba pynmih fund ia ka Department namar ka jingthmu ba kongsan eh jong kane ka Run ka long:  ban pynshai bad pynsngewthuh ia ki nongshnong ia ki jingeh bad ki jingdonkam ki briew kiba don ki jingduna ha ki dkhot met, ban kyrshan bad ban niewkor ia ki bad ban kynthup lang ia ki ha ka imlang ka sahlang jong ngi.

Kumta, ka Department ka kyrpad eh ia ki nongshong shnong naduh ki rangbah haduh ki khynnah bad ha kajuh ka por ia ki khynnah skul, ki briew kiba don jingduna ha ki dkhot bad kiwei kiwei ruh baphin sngewbha ban iashim bynta ha kane ka Run jong ngi.  Ka Registration Form ia ki Khynnah Skul ka long Rs. 100/-; ia kiwei pat ka long Rs. 200/- bad Free Registration ia ki briew ba don jingduna ha ki dkhot met. Ia ki Form phi lah ban ioh na ka Office KJP Synod Sepngi, Mission Compound; Rubok Sports, Umsohsun; Sports Centre, Polo; Teekay Electricals, Mawlai; Dazzle Sports, Laitumkhrah bad na H.G. Enterprise, Jaiaw. Ka don lai category ha kane ka Run, kata: Junior hapoh 14 snem, Senior 14 snem shaneng bad ki briew kiba don jingduna ha ki dkhot met. Ha baroh ki category kin don ki Kynthei bad ki Shynrang. Kan don ka Cash Prize ia ki nongjop ha ka kyrdan 1st – 3rd bad ka Special Prize, kata: Khynnah tam bad ba la Rangbah tam. Ka Route na ka bynta ka Run ka long kumne:

SENIOR (14 SNEM SHANENG) –  Parking Lot,  Polo,  Jingkieng (Polo Bazar), Lad Lawmali, Jaiaw Jingthangbriew, Jaiaw Mawbynna, Jaiaw St. Joseph, Jaiaw Pdeng, Lad Jaiaw Lansonalane, Jaiaw Shyiap, Riatsamthiah Presbyterian Church, Umsohsun Road, Sani Mandir (GS Road), 9-Lad, Raj Bhavan, Barik, Dhanketi, Don Bosco Square, Shillong Commerce College, PGT College, B.K. Bajoria School, Saw Furlong, Polo Bazar, Parking Lot, Polo.

JUNIOR (HAPOH 14 SNEM) bad KI BRIEW KIBA DON JINGDUNA HA KI DKHOT MET–  Parking Lot,  Polo,  Jingkieng (Polo Bazar), Lad Lawmali, Jaiaw Jingthangbriew, Jaiaw Mawbynna, Jaiaw St. Joseph, Jaiaw Pdeng, Lad Jaiaw Lansonalane, Jaiaw Shyiap, Riatsamthiah Presbyterian Church, Umsohsun Road, Sani Mandir (GS Road), 9-Lad, Raj Bhavan, Bivar Road, Hotel polo Towers, Polo Bazar, Parking Lot, Polo.

Sa shisien, ka Department ka kyrpad iaphi baphin sngewbha ban ai ka jingkyrshan kaba pura ia kine ki project jong ka Department kaba trei ia ka bha ka miat jong ki briew kiba don jingduna ha ki dkhot met da kaba phin ia shim bynta ha kane ka Run jong ngi. Ha kane ka Run phin ioh ruh Ia ka T-shirt ba la sponsor da ka Roundtable Conference. Na ka bynta ka jingtip kaba kham bniah sa phone – 8575694319/7005421868 bad peit ha ka website – www.kjpss.org / www.afsdi.org.

You may also like...