Pynkyntang ka KJP Synod Sepngi sa 8 ngut ki Pastor

 Ka Khasi Jaiñtia Presbyterian Synod Sepngi, ha ka 11/3/2017 ka la ïoh ban pynkyntang sa 8 ngut ki Pastor ki ban trei ha ki Pastorate bapher bapher jong ki Presbytery.

ïa kine ki Pastor la pynkyntang ha ka jingiaseng Synod kaba khatsan kaba la long ha Balang Presbyterian Mawlai, kaba la sdang naduh ka 9 tarik mynta u bnai.

Kine ki Pastor ba la pynkyntang da u Moderator ka Synod, u Rev MM Thongni ki long u Pastor Dakhampher L. Mawlong jong ka Jaiaw District, Shillong Rilum Presbytery, Pastor L. Estromwell Jyrwa jong ka Mawkyrwat District, Mawkyrwat Presbytery, Pastor Sainboklang Kharjahrin jong ka Sakwang District, Mawkyrwat Presbytery, u Pastor R. Gilbertstone L. Nonglait jong ka Nongshilong District, Pariong Presbytery, Pastor Comborlin Marthong Mawlieh District, Rambrai Presbytery, Pastor Marvel L. Mawlot jong ka Laitkseh District, Laitkseh Presbytery, Pastor Korbarlang Jitem jong ka Tyrna District, Sohra Presbytery bad Pastor F. Bympherwel Baba jong ka Mawphlang District, Mawphlang Presbytery.

Ha shuwa ban pynskhem bad pynkyntang, la buh jingkylli shem mynsiem ïa ki baroh 8 ngut da u Rev. IW Nongsiej bad u Rev. NK Nonglang, Moderator ba dang shu shongthait, u la ai ïa ki kyntien sneng tien kraw.

You may also like...