Iarap lanot ‘eriong ka KJP Assembly

Ka KJPAssembly, ka la ai jingiarap sha ki longïing longsem kiba la shah ktah ha ka jingshah pynjot ha ka ‘erïong ‘erlang thari bad u phria ha u bnai Ïaïong mynta u snem ha South West Khasi Hills District, Mawkyrwat, da kaba noh syniang da ka pisa T. 1,40,000.
Ka  Assembly lyngba u Pastor N.S. Phawa, Senior Administrative Secretary KJP Assembly ryngkat bad u Bah S.F. Khongwir, Member KJP Assembly ka la ai ia kane ka pisa ha i Kong R. Lyngdoh, Deputy Commissioner, South West Khasi Hills  District.
Na ka liang i Kong R. Lyngdoh,  ila pynpaw ka jingkhublei bad jingsngewnguh ïa ka KJP Assembly na ka bynta kane ka jingai sngewbha sha kito ki lanot bad ha kajuh ka por ila pynpaw ruh ba kin ïai kyrshan lem ha ki jingduwai ba kum ka distrik kan lait na ki jingsniew kiba ha rukom.

You may also like...