Inter SchoolSports Meet KJP, Nongstoin Zone

Ka Inter School Sports Meet ba nyngkong eh jong ki skul bapher bapher kiba hap ha ki khyndai tylli ki Presbytery Nongstoiñ zone jong ka Khasi Jaintia Presbyterian Synod Sepngi, kan sdang naduh ka 18 tarik mynta u bnai ha Nongpathar Stadium Pyndengrei.

            Kane ka lympung jong ki skul bapher bapher ka Balang Presbyterian kiba hap hapoh ki 9 Presbytery, yn pynïaid da ka Nongstoiñ Zone kum shibynta ban wanrah ïa ka jingsngew ieid sngewjan hapdeng ki skul kiba hap ha ka KJP Synod Sepngi. Ka long ruh kum shibynta ba ka Synod ka la pynbeit ban pynroi bad kyntiew ïa ki kam ialehkai hapdeng hi heprit bad ki samla jong ka Balang.
            Na ka liang u Tbn B.S Kharlor Convener, u la pyntip ba ha ka sngi sdang kata ha ka 18 tarik, u Bah K.P Pangniang MLA jong ka Mawshynrut un long u kongsan ban plie ïa ka pyrda. Katba ha ka 19 tarik u Moderator jong ka KJP Synod Sepngi Rev N.K Nonglang un long u kongsan.
            Na ka liang u Tbn B.S Kharlor, u la ïawer ïa ki paidbah riew ngeit jong ka Balang bad kiwei ruh ki kynhun Balang bapher bapher ba kin ïapoi sha katei ka lympung ban ai mynsiem bad pynshit pynshngaiñ ïa kane ka lympung Inter School Sports Meet 2016.

You may also like...